मोटरसाइकलले ढक्कर दिँदा ढङ्गेमा एक महिला घाइते

नुवाकोट । नुवाकोटको विदुर नगरपालिका वडा नम्बर १ ढुङ्गेमा मोटरसाईकलले पैदल यात्रुलाई ठक्कर दिँदा एक महिला घाइते भएका छन् ।

घाइते हुनेमा विदुर नगरपालिका वडा नम्बर ४ बट्टारकी ४० वर्षिय आईतमाया तामाङ रहेको जिल्ला प्रहरी कार्यालय नुवाकोटले जनाएको छ ।

विदुरबाट कोलनीतर्फ गइरहेको बाग्मति प्रदेशको ०२ ०२५ प ०३४७ नम्बरको मोटरसाइकलले ठक्कर दिएको जिल्ला प्रहरी कार्यालय नुवाकोटले जनाएको छ ।

घाईते महिलाको बायाँ खुट्टामा चोट लाग्नुका साथै नाक र कानमा चोट लागेको बताइएको छ । घाईते तामाङको स्टार अस्पतालमा सामान्य उपचार गरेपछि काठमाण्डौ रिफर गरिएको प्रहरीले जनाएको छ ।

पैदल यात्रुलाई ठक्कर दिने मोटरसाईकल र चालकलाई नियन्त्रणमा लिएर अनुसन्धान शुरु गरिएको जिल्ला प्रहरी कार्यालय नुवाकोटले जनाएको छ ।