पार्टी केन्द्रिय कार्यालयमा कांग्रेस जिल्ला सभापतिहरुको धर्ना सुरु

नुवाकोट ।  विभिन्न मागहरुसहित नेपाली कांग्रेसका जिल्ला सभापतिहरुले पार्टी कार्यालयमा धर्ना दिएका छन् ।

मंगलबार (आज) विभिन्न मागहरुसहित जिल्ला सभापतिहरुले धर्ना सुरु गरेका हुन् । जिल्ला सभापतिहरुले सबै क्रियाशील सदस्यहरुको विवरण सार्वजनिक गर्नुपर्ने, निर्वाचन निर्देशिकालाई संशोधन गर्नुपर्ने लगायतका मागहरु रहेका छन् ।

त्यस्तै आफ्ना मागहरुको सम्बोधन नभएमा आन्दोलनमा जाने चेतावनी समेत दिएका छन् ।

यी हुन् मागहरु

१. प्रत्येक सदस्यको क्रियाशील सदस्यताबारे सुसूचित हुन पाउने अधिकारको सम्मान गर्दै अविलम्ब क्रियाशील सदस्यताको सम्पूर्ण सूची सार्वजनिक गरियोस ।

२. क्रियाशील सदस्यता तहगत निर्णय गरियको सूचीका त्रुटि कमजोरीमाथि पार्टीको विधि, विधान र निर्धारित मापदण्ड बमोजिम सत्यतथ्य छानवीन गरेर मात्र अन्तिम रुप प्रदान गरियोस ।

३. सबै जिल्लाका सभापतिको निर्वाचन प्रकृयामा एकरूपता आउनेगरी निर्वाचन निर्देशिकालाई संशोधन गरियोस ।