Advertisement

देशभर सक्रिय संक्रमितको संख्या ३८ हजार ७५१

हाल देशभर कोरोनाका सक्रिय संक्रमितको संख्या ३८ हजार ७५१ रहेको छ । पछिल्लो २४ घण्टमा देशभर १८ हजार ३२२ जनाले कोरोनाविरुद्धको खोप लगाएको मन्त्रालयले जनाएको छ । हाल देशभर ६८१ संक्रमितको सघन उपचारकक्षमा तथा १६९ संक्रमितको भेन्टिलेटरमा उपचार भइरहेको छ ।

पछिल्लो २४ घण्टामा १ हजार ७०२ जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका अनुसार ९ हजार ४४३ पीसीआर परीक्षणमा आइतबार थप १ हजार ७०२ जनामा संक्रमण पुष्टि भएको हो ।

यस्तै एन्टिजेन विधिद्वारा गरिएको ३ हजार ७३ परीक्षणबाट २१८ जनामा पोजिटिभ देखिएको छ । २४ घण्टामा पीसीआर र एन्टिजेन विधिबाट गरिएको १२ हजार ५१६ परीक्षणमा १ हजार ९२० जनामा संक्रमण पुष्टि भएको मन्त्रालयले जनाएको छ । योसँगै नेपालमा कोरोना संक्रमण हुनेको संख्या ७ लाख ४७ हजार ४३३ पुगेको छ ।

पछिल्लो २४ घण्टामा थप २ हजार २४८ जना संक्रमणमुक्त भएका छन् । हालसम्म नेपालमा कोरोनामुक्त हुनेको संख्या ६ लाख ९८ हजार १७३ छ ।देशभर कोरोनबाट निको हुने दर ९३ दशमलव चार प्रतिशत रहेको छ ।

नेपालमा कोरोना संक्रमणबाट थप २४ जनाको मृत्यु भएको छ । योसँगै नेपालमा कोरोनाबाट मृत्यु हुने‍को संख्या १० हजार ५०९ पुगेको छ ।