बट्टारमा नवनिर्मित वडा कार्यालयको भवनको उद्घाटन

नुवाकोट । विदुर नगरपालिका वडा नम्बर ४ को वडा कार्यालयको भवनको उद्घाटन गरिएको छ ।

बुधवार एक कार्यक्रमको आयोजना गरि नगरपालिकाका मेयर सञ्जु पण्डित, उपमेयर गिता दाहाल, वडाध्यक्ष टलकमान श्रेष्ठ लगायतले वडा कार्यालयसँगै वडा नम्बर ४ मा रहेको शहरी स्वास्थ्य केन्द्रको भवनको समेत उद्घाटन गरेका हुन् ।

भवनको उद्घाटन गर्दै नगरपालिकाका प्रमुख पण्डितले सबै वडा कार्यालयलाई पूर्वाधार सम्पन्न बनाएर लैजाने बताए । उनले आजदेखि वडा कार्यालय नयाँ भवनमा सरेको भन्दै अव वडाबासीलाई चुस्त दुरुस्त र सजिलो गरी सेवा प्रदान गर्न सकिने बताए । साघुरो ठाउँमा सेवा दिदा सेवाग्राहीलाई समेत अप्ठेरो भैरहेको थियो नगरप्रमुख पण्डितले भने, यो वडा कार्यालय निर्माणमा सहयोग पु¥याउने वडाका सबैप्रति आभारी छौं ।

कार्यक्रममा विदुर नगरपालिका वडा नम्बर ४ का वडाध्यक्ष टलकमान श्रेष्ठले वडा कार्यालय निर्माण गर्नमा सहयोग गर्ने सबैप्रति अभार प्रकट गरे । वडा कार्यालय साधुरो ठाउँमा हुँदा समस्या थियो उनले भने, अव वडा भौतिक पूर्वाधार सम्पन्न भएको छ ।