नुवाकोटमा थप ३० जनामा कोरोना संक्रमण पुष्टि

नुवाकोट । नुवाकोटमा आज थप ३० जनामा कोरोना संक्रमण पुष्टि भएको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ९२ जनाको पिसिआर र ३३ जनाको एन्टीजेन परिक्षण गर्दा ३० जनामा कोरोना संक्रमण पुष्टि भएको स्वास्थ्य कार्यालय नुवाकोटले जानकारी दिएको छ ।

यससँगै जिल्लामा कोरोना संक्रमितको संख्या ७ हजार ५ सय ९ पुगेको छ । कार्यालयका सुचना अधिकारी उत्तमराज खनालका अनुसार पछिल्लो २४ घण्टामा सबैभन्दा बढी विदुर नगरपालिकामा १७ जना कोरोना संक्रमित थपिएका छन् ।

यस्तै बेलकोटगढी नगरपालिकामा ४ जना कोरोना संक्रमित थपिँदा लिखु र किस्पाङ गाउँपालिकामा सामान ३÷३ जनामा कोरोना संक्रमण पुष्टि भएको छ ।

त्यस्तै तादी गाउँपालिकामा २ जनामा कोरोना संक्रमण पुष्टि हुँदा तारकेश्वर गाउँपालिकाका थप एक जनामा कोरोना संक्रमण पुष्टि भएको कार्यालयले जानकारी दिएको छ ।

यस्तै पछिल्लो २४ घण्टामा जिल्लामा ५८ जनामा कोरोना संक्रमण पुष्टि भएको छ । यससँर्गै जिल्लामा कोरोनामुत्त भएर घर जानेको संख्या ६ हजार ८ सय ६३ पुगेको छ ।

जिल्लामा कोरोनाका सक्रिय संक्रमितको संख्या ६ सय ३ पुगेको छ । सक्रिय कोरोना संक्रमितमध्ये ५ सय ४९ जना होम आइसोलेसनमा, ३२ जना अस्पतालमा र २२ जना आइसोलेसन सेन्टरमा उपचाररत गरिरहेका छन् ।

नुवाकोटमा कोरोना संक्रमणबाट ४३ जना संक्रमितको मृत्यु भएको छ । हालसम्म जिल्लामा २५ हजार २ सय २९ जनाको पिसिआर परिक्षण गरिएको कार्यालयको भनाइ रहेको छ ।