शिवपुरीमा अत्याधुनिक सुविधासहितको अस्पताल संचालनमा

नुवाकोट । नुवाकोटको शिवपुरी गाउँपालिकामा अत्याधुनिक मेसिनसहित सुविधा सम्पन्न अस्पताल सञ्चालनमा आएको छ ।

शुक्रबार गाउँपालिकाका अध्यक्ष रामकृष्ण थापाले शिवपुरी आधारभूत अस्पतालको औपचारिक उदघाटन गरेका हन । गाउँपालिकाका अध्यक्षले एक्सरे तथा भिडियो एक्सरे गर्दै उक्त स्वास्थ्य केन्द्रको उदघाटन गरेका हुन् ।

भौगोलिक विकटता भएको शिवपुरी गाउँपालिकाका नागरिकहरुलाई स्वास्थ्य उपचारार्थ गर्न जानुपर्ने भएपछि गाउँपालिकाले विविध सुविधा सहित आधारभूत अस्पताल सञ्चालमा ल्याएको हो । गाउँमै सुविधा सम्पन्न अस्पताल संचालनमा आएसँगै स्थानियहरु खुशी भएका छन् ।

गाउँपालिकाका अध्यक्ष रामकृष्ण थापाले स्थानीय तह संचालनमा आएसँगै गाउँपालिकाले शैक्षिक तथा स्वास्थ्य क्षेत्रमा उल्लेख्य सुधार गरेको बताए । उनल भने मेरो आज ठुलो सपना पूरा भएको छ, यो स्वास्थ्य केन्द्र मेडिकल सुपरिटेन्डेन्टसहितको स्वास्थ्यकर्मीहरु भएकाले सामान्य एक्सरे तथा भिडियो एक्सरेका लागि काठमाडौ वा त्रिशुली जानुपर्ने बाध्यता समेत अन्त्य भएको छ ।’

कोरोनाको समयमा जिल्लाकै सर्वोत्कृष्ट स्वास्थ्य सेवा प्रदान गर्दै आएको गाउँपालिकाले अस्पताल सञ्चालनम आएसंगै स्वास्थ्य सेवामा थप फड्को मार्ने शिवपुरी गाउँपालिका स्वास्थ्य शाखाका प्रमुख उद्धब कार्कीले बताए ।

स्थानीय बलभद्र कार्कीबाट प्राप्त ६आना जग्गा क्षेत्रफलमा नयाँ अस्पताल निर्माण भएको हो । नवनिर्मित भवनमा १२ वटा कोठा रहेको छ ।

गाउँपालिकामा हाल मेडिकल अधिकृत, स्टाफ नर्स, ल्याब असिस्टेन्ट,रेडियो ग्राफरसहित १२ जना स्वास्थ्यकर्मी कार्यरत रहेका छन् । डिजिटल एक्सरे, भिडियो एक्सरे ल्याब सहितको अस्पताल सञ्चालनको लागि गाउँपालिकाले आवश्यक जनशक्ति समेत तयारी गरेको छ। ।