नेकपा एमाले विदुर नगरकमिटिको इन्चार्जमा घिमिरे,सह-इन्चार्जमा चित्रकार

नुवाकोट । नेकपा एमालेको  विदुर नगरपालिका कमिटिको अगुवा कार्यकर्ता भेला सम्पन्न भएको छ ।

शनिवार एमालेको पार्टी कार्यालय विदुरमा बसेको भेलाले एकसय १६ सदस्यीय विदुर नगर कमिटि गठन गरेको नेकपा एमाले निकट युवा संघका जिल्ला संयोजक प्रज्वल सापकोटाले जानकारी दिए ।

भेलाले विदुर नगर कमिटिको इन्चार्जको जिम्मा नारायण घिमिरेलाई दिएको छ भने सह संयोजक शिवकुमार चित्रकारलाई चयन गरेको छ ।

यस्तै भेलाले विदुर नगर कमिटिको अध्यक्षमा नविन प्रधान र सचिवमा अनुजकुमार श्रेष्ठलाई चयन गरिएको छ ।

त्यस्तै सहसचिवको जिम्मा प्रदीप घिमिरे र नारायण पौडेललाई दिएको नेकपा एमालेले जानकारी दिएको छ ।

भेलामा पार्टीको आगामी रणनिति र कार्यदिशा बारे समेत छलफल भएको छ ।