नुवाकोटको द्धवारे खोलामा आएको बाढीले १२ घर जोखिममा

नुवाकोट । बुधवार राती आएको बाढीले नुवाकोटको विदुर नगरपालिका वडा नम्बर १० मा करिव ४० रोपनी खेतमा क्षति पुराएको छ ।

द्धवारे खोलामा आएको बाढीले करिव ४० रोपनी खेतमा क्षति पुराएको स्थानिय सोहन धमालाले जानकारी दिए । बाढीले अनुसार स्थानिय भरत धमलाको खेत डुबानमा पार्नुको साथै शिवको मन्दि। समेत डुवानमा परेको उनले बताए ।

वडा नम्बर १० गेर्खुटार र वडा नम्बर ११ गेर्खु चोगते जोड्ने सडकबाट आएको लेदोसहितको पहिरो र बाढीले खेत पुरेको पिडित भरत धमलाले बताए । बाढीका कारण स्थानिय ठाकुर धमलासहित अन्य १२ जनाको घर जोखिममा परेको स्थानियबासीले बताएका छन् ।

जोखिम स्थानमा बसोवास गरिरहेकाहरुलाई अन्यत्र सार्ने तयारी भइरहेको वडाध्यक्ष गणेश नेपालले जानकारी दिए । बाढीको कारण भएको क्षतिको विवरण भने आउन बाँकी रहेको जिल्ला प्रहरी कार्यालय नुवाकोटले जनाएको छ ।