नुवाकोटमा अझै घटेनन् कोरोना संक्रमित

नुवाकोट । नुवाकोटमा अझै कोरोना संक्रमितको संख्या घट्न सकेको छैन ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ५५ जना कोरोना संक्रमित थपिएका छन् । जिल्लामा ८८ जनाको पिसिआर र ६६ जनाको एन्टीजेन गरि एकसय ५४ जनाको परिक्षण गर्दा ५५ जनामा कोरोना संक्रमण पुष्टि भएको हो ।

यससँगै जिल्लामा कोरोना संक्रमितको संख्या ६ हजार ५ सय ५७ पुगेको छ । पछिल्लो २४ घण्टामा सबैभन्दा बढी तारकेश्वर गाउँपालिकामा २४ जना कोरोना संक्रमित थपिएका छन् । यस्तै विदुर नगरपालिका १८ जना थपिएका छन् भने बेलकोटगढी नगरपालिकामा ६ जनामा कोरोना पुष्टि भएको छ ।

यस्तै लिखु र दुप्चेश्वर गाउँपालिकामा समान एक जनामा कोरोना संक्रमण पुष्टि हुँदा सुर्यगढी गाउँपालिकामा एक जनामा कोरोना देखिएको छ ।

यससँगै जिल्लामा कोरोनाको सक्रिय संक्रमितको संख्या ४ सय ७६ पुगेको छ । सक्रिय कोरोना संक्रमितमध्ये ४ सय २५ जना होम आइसोलेसनमा, २७ जना अस्पतालमा, २४ जना आइसोलेसन सेन्टरमा उपचार गरिरहेका कार्यालयका सुचना अधिकारी खनालले बताए ।

यस्तै पछिल्लो २४ घण्टामा ४७ जना कोरोना संक्रमित कोरोनामुत्त भएर घर फर्किएका छन् । यससँगै जिल्लामा ६ हजार ७१ जना कोरोनामुत्त भएर घर फर्किएका छन् ।

नुवाकोटमा हालसम्म ४० जना कोरोना संक्रमितको मृत्यु भइसकेको छ । जिल्लामा हालसम्म २२ हजार ९ सय २५ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।