यातायात कार्यालयमा अब भ्रष्टाचारको गन्ध आउने छैन : मुख्यमन्त्री पौडेल

विदुर खबर २०७८ साउन ८ गते १५:२६

नुवाकोट । बागमति प्रदेशका मुख्य मन्त्री डोरमणि पौडेलले यातायात कार्यालयमा भएको भीड,सेवाग्राहीको दुख बुझेर नै अनलाइन प्रणाली सुरुवात गरिएको बताएका छन ।

शुक्रबार उक्त टिएमआईएस प्रणालीको उद्घाटन गर्दै मुख्य मन्त्री पौडेलले अन्यन्त धेरै कष्टकर सेवा उपलब्ध भइरहेको अवस्थालाई मध्यनजर राख्दै उक्त, प्रणाली लागू गर्न बागमती प्रदेश सरकार सफल भएको जानकारी दिएका हुन ।

‘अब प्रदेश भित्रका यातायात कार्यालयहरु भीडभाड मुक्त हुने छन भने सेवाग्राहीले सरल तरिकाबाट सेवा पाउने छन’ उनले भने ‘अनलाइन यातायात प्रणाली वागमती प्रदेश भित्रकै उत्कृष्ट सेवा हुने छ’ ।

उनका अनुसार बागमति प्रदेश भित्र यो अनलाइन प्रणाली लागू गर्न लामो समयदेखि प्रयास भइरहेकाे थियो । नयाँ प्रविधि कार्यान्वयन गर्दा विभिन्न चुनौति भएपनि सेवालाई डिजिटलाइज्ड गर्ने प्रक्रियामा र बागमति प्रदेशलाई डिजिटल प्रदेशको रुपमा स्थापित गर्ने उनको भनाई छ

उनले थपे‘ यो अनलाइन प्रणालीले भ्रष्टाचारको गन्ध आउने छैनन, राजस्वको विवरण प्रविधि मार्फत नै हेर्न सकिने छ । एकैपटक पूर्ण रूपमा सम्भावना नभएपनि सक्ने जति कार्यान्वयन गर्ने र केही महिना भित्रै पूर्णरुपमा अपग्रेड गर्दै उत्कृष्ट सेवा दिइने छ’ ।लाइन बस्नुपर्ने बाध्यता हटेको छ भने कयौं सवारीसाधनको ब्लुबुक रिन्यु नगरेको रेकर्ड अब तोडिने छन ।

टिएमआइएसले यातायात कार्यालयमा भोग्नुपरेको सेवाग्राहीका दु:खलाई प्रतिस्थापन गर्ने छ भने ट्राफिक प्रहरीलाईपनि चेकजाच गर्न सहजीकरण हुने मुख्य मन्त्री पौडेलको दाबी छ ।