दुप्चेश्वरका पहिरो पीडितलाई माओवादी केन्द्रको सहयोग

नुवाकोट । दुप्चेश्वर गाउँपालिका नम्बर ७ का पहिरा पिडितलाई माओवादी केन्द्र दुप्चेश्वरल आर्थिक सहयोग गरेको छ ।

बुधबार बिहान ९ः४५ बजे गएको पहिरोमा परी गाउँपालिकाको वडा नम्बर ७ को स्थानीय रामचन्द्र नेपाली, विष्णु नेपाली र शान्ता दमाईको घर पुरिएको थियो ।

पहिरो पीडित तीनैजनालाई माओवादी केन्द्र दुप्चेश्वरले जनही १० हजार आर्थिक सहयोग गरेको माओवादी केन्द्र दुप्चेश्वरले जनाएको छ ।

माओवादी केन्द्र दुप्चेश्वरका कार्यबाहक सचिव शंकरबहादुर थापाका अनुसार पहिरोको जोखिममा परेकालाई भने रुपैयाँ ५ हजार प्रदान गरिएको छ।