नुवाकोटका सांसद नारायणप्रसाद खतिवडाले देउवालाई विश्वासको मत नदिने

नुवाकोट ।  नुवाकोट प्रतिनिधिसभा क्षेत्र नम्बर १ बाट प्रतिनिधिसभा सांसद निर्वाचित भएका नेकपा एमालेका सांसद नारायण प्रसाद खतिवडाले प्रधानमन्त्री शेरवहादुर देउवालाई विश्वासको मत नदिने भएका छन् ।

नेकपा एमालेका वरिष्ठ नेता माधवकुमार नेपाल समूहका सबै नेताले प्रधानमन्त्री शेरबहादुर देउवालाई विश्वासको मत नदिने भएसँगै नारायणप्रसाद खतिवडाले प्रधानमन्त्रि देउवालाई विश्वासको मत नदिने भएका हुन् ।

पार्टी एकता जोगाउन गठित कार्यदलका सदस्यसहित अन्य केही नेताहरुले विश्वासको मत नदिने भएका छन् । बानेश्वरमै भएको छलफलले सबैले देउवालाई विश्वासको मत नदिने निर्णय गरेको एक नेताले जानकारी दिए ।

कार्यदलमा रहेका घनश्याम भुसाल, गोकर्ण विष्ट र सुरेन्द्र पाण्डेले विश्वासको मत नदिने भएका छन् । कार्यदलमा नरहेका योगेश भट्टराई, दीपकप्रकाश भट्ट, झपट रावल, यज्ञराज सुनुवार, सोमप्रसाद पाण्डे, नारायण खतिवडा, राजबहादुर बुढा,  लगायत अन्य केहीले पनि विश्वासको मत नदिने भएका छन् ।

विश्वासको मत नदिने सांसदहरु तटस्थ बस्ने भएका छन् ।