विदुर नगरपालिकामा थप २७ जनामा कोरोना पुष्टि

नुवाकोट । नुवाकोटको विदुर नगरपालिकामा आज थप २७ जनामा कोरोना संक्रमण पुष्टि भएको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा १४ पुरुष र १३ महिलासहित २७ जनामा कोरोना संक्रमण पुष्टि भएको हो ।

यससँगै विदुर नगरपालिकामा कोरोना संक्रमितको संख्या एक हजार ८ सय ७७ पुगेको छ । संक्रमितमध्ये १२ सय पुरुष र ६ सय ७७ महिला रहेको विदुर नगरपालिकाले जानकारी दिएको छ ।

नगरपालिकाका २ सय ७० जना कोरोना संक्रमित हाल आइसोलेसनमा उपचार गरिरहेको कार्यालयका सुचना अधिकारी उत्तमराज खनालले जानकारी दिए ।

विदुर नगरपालिकामा हालसम्म ३ हजार २१ जनाको पिसिआर परिक्षण गरिएको स्वास्थ्य कार्यालय नुवाकोटले जानकारी दिएको छ ।