नुवाकोटमा नदिजन्य पदार्थ उत्खनन गरेको आरोपमा तीनजना पक्राउ

नुवाकोट । नुवाकोटको विभिन्न स्थानहरुमा अवैध नदीजन्य पदार्थ उत्खनन गरेको भन्दै तीनजना पक्राउ परेका छन् ।

जिल्ला प्रहरी कार्यालय नुवाकोटबाट खटिएको प्रहरीको टोलीले सोमबार विहानबेलकोटगढी नगरपालिका वडा नम्बर ७ महादेबफाँटमा त्रिशुली नदिबाट नदिजन्य पदार्थ बालुवा अबैध रुपमा उत्खनन् गरी लोड गरिरहेको अबस्थामा ३ ओटा वटा टिप्परसहित तीनजनालाई पक्राउ गरिएको जिल्ला प्रहरी कार्यालय नुवाकोटले जनाएको छ ।

अवैध रुपमा नदी दोहन गरि नदीजन्य पदार्थ उत्खनन गर्नेहरुलाई नियन्त्रणमा लिई आवश्यक कारबाहीको लागी जिल्ला समन्वय समितीको कार्यालय नुवाकोटमा पठाएकोमा जनही २५ हजारको दरले कारबाही गरिएको हो ।

साथै तीनजना टिप्परका चालकहरुलाई कानुनी कारबाहीको प्रकृया अगाडी बढाईएको प्रहरीले जनाएको छ ।