पन्चकन्या गाउँपालिकामा बृद्धभत्ता चोरी प्रकरण : पुडासैनीलाई मन्त्रालय तानियो
नुवाकोटको । संघीय मामिला तथा सामान्य प्रशासन मन्त्रालयले बृद्भ भत्ताको रकम चोरीमा कारबाही स्वरूप नुवाकोटको पञ्कन्या गाउँपालिकाका प्रमुख प्रशासकीय अधिकृत नरेश पुडासैनी मन्त्रालय तानिएका छन ।
वृद्ध भत्ता चोरी प्रकरणमा नैतिक रूपमा दोषी रहेको निष्कर्षसहित मन्त्रालयले पुडासैनीलाइ कारबाही स्वरूप मन्त्रालय तानेको हो । पञ्चकन्या गाउँपालिकाको वडा नम्बर २ बाट गत चैत २४ गते ५३ लाख रुपैयाँ चोरी भएको नाटक मञ्चन गरिएको थियो । सीसीटीभी फुटेज हेर्दा चोरी नाटकमात्र रहेको मन्त्रालयका अधिकारीको निष्कर्ष रहेको छ ।
सामाजिक सुरक्षा भत्ता वितरण गर्न भन्दै कोष तथा लेखा नियन्त्रण कार्यालयबाट सीधै व्यक्तिको खातामा तानेर झिकेको ५० लाख रुपैयाँ र वडा कार्यालयमा भएको ३ लाख गरी ५३ लाख रुपैयाँ चोरी भएको प्रचार गरिएको थियो ।
मन्त्रालयले प्रशासकीय अधिकृतको गम्भीर लापरवाही देखिएपछि पुडासैनीमाथि मन्त्रालय तानेर थप छानविन गर्न लागेको हो ।गाउँपालिकामै रहँदा प्रमाणहरू नष्ट गर्न सक्ने भएकाले मन्त्रालय तानिएको एक उच्च अधिकारीले जानकारी दिए ।
मन्त्रालयले उपसचिव मदन कोइरालाको नेतृत्वमा गठन गरेको छानविन समितले स्थलगत निरीक्षण गरेर प्रतिवेदन दिए लगत्तै मन्त्रालयले पुडासैनीको जिम्मेवारी खोसेको हो । अधिकृत पुडासैनीलाई अतिरिक्त समूहमा राखेर काम बिहीन बनाइएको छ ।
मनत्रालयले यो घटनाको छानविन गर्न उपसचिव मदन कोइराला संयोजक र लेखा अधिकृत उमेश्वर काफ्ले सदस्य रहेको समिति बनाएको थियो । समिति गाउँपालिका नै पुगेर अनुसन्धान गरेर काठमाडौं फर्किसकेको छ ।
यसअघि मन्त्रालयले निलम्बन नै गर्ने तयारी गरेको भएस्पनि घटनावारे पहिला अध्ययन गर्ने भन्दै हाललाई काठमाडौं तानेको हो ।
- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना
प्रतिक्रिया