नुवाकोटमा कोरोना संक्रमणबाट एक शिक्षिकाको मृत्यु

नुवाकोट । कोरोना संक्रमणबाट नुवाकोटमा एक शिक्षिकाको मृत्यु भएको छ ।

मृत्यु हुनेमा म्यागङ गाउँपालिका वडा नम्बर ३ देउराली माविकी शिक्षिका पत्नुकुमारी थोकर रहेको बताइएको छ ।

कोरोना संक्रमण पुष्टि भएपछि केही दिन पहिले त्रिशुली अस्पतालमा भर्ना भएकी उनको आज अस्पतालमा मृत्यु भएको त्रिशुली अस्पतालले जानकारी दिएको छ ।

यससँगै नुवाकोटमा कोरोना संक्रमणबाट मृत्यु हुनेको संख्या २२ पुगेको छ ।

सुर्यगढीमा थप ३३ जनामा कोरोना पुष्टि

नुवाकोटको सुर्यगढी गाउँपालिकाका थप ३३ जनामा कोरोना संक्रमण पसष्टि भएको छ ।

त्रिशुली अस्पतालमा गरिएको पिसिआर परिक्षण्मा ३३ जनामा कोरोना संक्रमण पुष्टि भएको अस्पतालले जनाकारी दिएको छ । यससँगै सुर्यगढी गाउँपालिकामा कोरोना संक्रमितको संख्या २ सय २ पुगेको छ ।

संक्रमितमध्ये ८९ जना होम आइसोलेसनमा उपचार गरिरहेको स्वास्थ्य कार्यालय नुवाकोटले जनाएको छ । सुर्यगढी गाउँपालिकामा अहिलेसम्म ७ सय ७२ जनाको पिसिआर परिक्षण गरिएको गाउँपालिकाले जानकारी दिएको छ ।

अस्पतालमा आज गाउँपालिकाका ९४ जनाको पिसिआर परिक्षण गर्दा ३३ जनामा कोरोना संक्रमण देखिएको हो भने ६१ जनाको पिसिआर रिर्पाेट नेगेटिभ आएको हो ।

यस्तै अस्पतालमा आजै जिल्लाका थप ३० जनामा कोरोना संक्रमण पुष्टि भएको हो । अस्पतालका अनुसार ४८ जनाको पिसिआर परिक्षण गर्दा ३० जनामा कोरोना संक्रमण पुष्टि भएको हो ।