कांग्रेस सभापति केसीले मिलाए त्रिशूली अस्पतालमा नि:शुल्क खाना
नुवाकोट । नेपाली कांग्रेस नुवाकोटले त्रिशूली अस्पतालमा भर्ना भएका बिरामी र कार्यरत स्वास्थ्यकर्मीलाई अस्पतालभित्रै खाना खाने व्यवस्ता मिलाएको छ।
अस्पतालमा कोभिडका बिरामीको चाप बढ्दै जाँदा खाना व्यवस्थापनमा समस्या परेको जनाउँदै कांग्रेसले अग्रसरता लिएको जिल्ला सभापति जगदीशश्वर नरसिंह केसीले जानकारी दिए।‘ जेठ २ गते बिहानदेखि त्रिशूली अस्पताल भर्ना भई उपचारमा रहेका सबै कोविडका बिरामी र कोभिडका बिरामीको परीक्षण र उपचारमा संलग्न सबै स्वास्थ्यकर्मीका लागि नियमित रूपमा अस्पतालमै खानाको व्यवस्था गरिएको छ,’ केसीले जानकारी दिए।नेपाली कांग्रेस नुवाकोटको कार्यमा यशोदादेवी भगवान सिंह केसी मेमोरियल ट्रस्टको पनि सहयोग गरेको उनले बताए।
ॐ आदि फाउन्डेसनले तोकिएको मापदण्ड र पौष्टिक तत्वयुक्त खाना अस्पतालमै खुवाउने भएको छ। कोभिड विरामी र स्वास्थ्यकर्मीलाई खुवाएको खाना वापतको रकम साप्ताहिक रुपमा चुक्ता गरिने केसीले बताए।
यस्तै, नेपाली कांग्रेस नुवाकोट र यशोदादेवी भगवान सिंह केसी मेमोरियल ट्रस्टकै अग्रसरतामा ॐ आदि फाउन्डेसनले चार दिनदेखि काठमाडौंस्थित शिक्षण अस्पतालका कोभिड विरामीलाई खानाको व्यवस्था गर्दै आएको छ।
नेपाली कांग्रेस नुवाकोटको पार्टी कार्यालयलाई आइसोलेसन वार्ड बनाउने निर्णय यस अघि नै गरिसकेको छ।
- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना
प्रतिक्रिया