प्रहरीलाई फेस सिल्ड र सेनिटाईजर वितरण

नुवाकोट । ब्लड अन रिक्वेष्ट नुवाकोटले फ्रन्टलाइनमा काम गर्ने प्रहरीलाई मास्क र स्यानिटाइजर वितरण गरेको छ ।

ब्लड अन रिक्वेक्ट नुवाकोटले जिल्ला प्रहरी कार्यालय नुवाकोट र सशस्त्र प्रहरी गुल्म नम्बर १९ लाई माक्स तथा स्यानिटाईजर तथा फेस सिल्ड वितरण गरेको हो ।

सो समुहले जिल्ला प्रहरी कार्यालय नुवाकोटलाई एकसय १० फेस सिल्ड र सशस्त्र प्रहरी गुल्म नम्बर १९ लाई ७० फेस सिल्ड र एक जार सेनिटाईजर वितरण गरेको ब्लड अन रिक्वेष्ट नुवाकोट सदस्य पारस अधिकारीले जानकारी दिए ।

यस्तै निषेधाज्ञाको समयमा ड्युटीमा खटियका राष्ट्रसेवक प्रहरीलाई कोभिड १९ संक्रमणवाट सुरक्षित वनाउन स्वास्थ्य सामाग्री वितरण गरेको ब्लड अन रिक्वेष्ट नुवाकोटका अर्का सदस्य विष्णु प्याकुरेलले बताए ।

ब्लड अन रिक्वेष्ट नुवाकोटले नुवाकोटमा रगत अभाव भएको समयमा रत्तदाता खोजी रगत संकलन गरिरहेको छ ।

सो समुहले जिल्लामा विभिन्न विपद तथा संकट आइपर्दा समेत विभिन्न सहयोग गरिरहेको छ ।

ब्लड अन रिक्वेष्ट नुवाकोटमा मछिन्द्र प्याकुरेल,पारस अधिकारी,विष्णु प्याकुरेल र निरज चित्रकार लगायतको जोसिलो युवाहरुको टिम रहेको छ ।