नुवाकोटमा कोरोना संक्रमणबाट थप एक जनाको मृत्यु

नुवाकोट । नुवाकोटमा कोरोना संक्रमणबाट थप एक जनाको मृत्यु भएको छ ।

मृत्यु हुनेमा किस्पाङ गाउँपालिका वडा नम्बर ५ शान्ति बजारका ३३ वर्षिय युवक रहेको किस्पाङ गाउँपालिकाका अध्यक्ष छत्र लामाले जानकारी दिए ।

उनको आईतवार विहान २ बजे मृत्यु भएको स्वास्थ्य कार्यालय नुवाकोटले बताएको छ । यदपि यस विषय कार्यालयले आधिकारीक जानकारी भने गराएको छैन ।

यससँगै नुवाकोटमा कोरोना संक्रमणबाट मृत्यु हुनेको संख्या तीन पुगेको छ ।

यसअघि विदुर नगरपालिका र शिवपुरी गाउँपालिकामा समान एक÷एक जनाको कोरोना भाइरसको कारण मृत्यु भएको थियो ।