नुवाकोटमा निषेधाज्ञाको खिल्ली उडाइयो, प्रशासन रमिते

नु्वाकोट । नुवाकोटमा कोरोना भाइरसको संक्रमण न्युनिकरण गर्न लगाइएको निषेधाज्ञाको व्यापक उल्लंघन भएपनि प्रहरी र प्रशासन रमिते बनेका छन् ।

जिल्ला निषेधाज्ञाको दोस्रो दिन जारी रहदा त्यसलाई आम सर्वसाधारणले खिल्ली उडाएर खुलमखुल्ला सवारीसाधन संचालन गरेपनि नुवाकोटका प्रहरी र प्रशासन रमिते बनेका हुन् ।

जिल्ला प्रशासन कार्यालय नुवाकोटले मंगलवारबाट लगाएको निषेधाज्ञाको प्रवाह नगरि आम सर्वसाधारण सवारीसाधन समेत लिएर सडकमा निस्किएका हुन् ।

सडकमा मोटरसाईकल र अत्याआवश्यक वाहेकका गाडीहरु समेत निर्वाध रुपमा संचालन भइरहे पनि सडकमा परिचालन गरिएका सुरक्षाकर्मीले कुनै रोकतोक गर्ने गरेका छैनन ।