विदुर नगरपालिकामा एकैदिन भेटिए ३२ संक्रमित

नुवाकोट । नुवाकोटको विदुर नगरपालिकामा एकैदिन ३२ जना कोरोना संक्रमित भेटिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लाका ४३ जनाको पिसिआर परिक्षण गर्दा विदुर नगरपालिकाका ३२ जनाका कोरोना संक्रमण पुष्टि भएको हो ।

स्वास्थ्य कार्यालय नुवाकोटका अनुसार पछिल्लो २४ घण्टामा विदुर नगरपालिकाका १६ महिला र १६ पुरुषमा कोरोना संक्रमण पुष्टि भएको छ । यससँगै विदुर नगरपालिकामा कोरोना संक्रमितको संख्या ८ सय ३० पुगेको छ ।

संक्रमितमध्ये ५ सय ६२ पुरुष र २ सय ६८ महिला रहेका छन् । नगरपालिकामा सक्रिय कोरोना संक्रमितको संख्या १ सय १८ जना रहेका छन् । उनीहरुमध्ये ७१ पुरुष र ४७ महिला आइसोलेसनमा उपचाररत रहेको स्वास्थ्य कार्यालय नुवाकोटले जनाएको छ ।

हालसम्म विदुर नगरपालिकाका २ हजार एकसय ९६ जनाको पिसिआर परिक्षण गरिएको छ ।