लिखु गाउँपालिकामा एमालेको समानान्तर कमिटि

नुवाकोट । लिखु गाउँपालिकामा नेकपा एमालेको माधव नेपाल समुहले समानान्तर कमिटि गठन गरेको छ ।

शनिवार १५ औं लोकतन्त्र दिवसको अवसर पारेर लिखु गाउँपालिकामा पार्टी कार्यालय उद्घाटन गर्दे समानान्तर कमिटि गठन गरिएको हो । भाधव कुमार नेपाल समुहका अध्यक्ष तथा संघिय संसद नारायण खतिवडाले गाउँपालिकामा पार्टीको कार्यालय उद्घाटन गरेको नेकपा एमाले लिखु गाउँपालिका संयोजक सुमन पाठकले जानकारी दिए ।

कार्यक्रममा बोल्दै माधव नेपाल समुहका जिल्ला अध्यक्ष खतिवडाले कम्युनिष्ट तत्कालिन नेकपा विभाजन हुनुमा पार्टीका केन्द्रिय अध्यक्ष केपी शर्मा ओलि मुख्य जिम्मेवार रहेको बताए । खतिवडाले प्रधानमनित्र ओली निरंकुशतातर्फ लम्किएको आरोप लगाए ।

कार्यक्रममा माधव नेपाल समुहका नेता तथा कार्यकर्ताहरुको उपस्थिति रहेको थियो ।

यसअघि लिखु गाउँपालिकामा ओलि समु्हको नेकपा एमालेले पार्टी कार्यालय उद्घाटन गर्दे कार्यसमिति विस्तार गरिसकेको छ ।