विदुर नगरपालिकाका थप ९ जनामा कोरोना संक्रमण

नुवाकोट । नुवाकोटमा पछिल्लो २४ घण्टामा थप ९ जनामा कोरोना संक्रमण पुष्टि भएको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा ३५ जनाको पिसिआर परिक्षण गर्दा ९ जनामा कोरोना संक्रमण पुष्टि भएको हो । कोरोना संक्रमितहरु सबै विदुर नगरपालिकाका बासिन्दा रहेको कार्यालयका सुचना अधिकारी उत्तम खनालले जानकारी दिए ।

संक्रमित हुनेमा ६ जना पुरुष र ३ जना महिला रहेका छन् । यससँगे जिल्लामा कोरोना संक्रमितकोे संख्या एकहजार २ सय १० पुगेको छ । यस्तै सक्रिय कोरोना संक्रमितको संख्या ६४ पुगेको छ ।

सक्रिय कोरोना संक्रमितमध्ये ४ जना अस्पतालको आइसोलेसन सेन्टरमा र ६० जना होम आइसोलेसनमा उपचार गरिरहेका छन् ।

नुवाकोटमा अहिलेसम्म ९ हजार ९ सय ८५ जनाको पिसिआर परिक्षण गरिएको छ । कोरोनाको कारण नुवाकोटमा एक महिलाको ज्षन गएको स्वास्थ्य कार्यालय नुवाकोटले जनाएको छ ।

पछिल्लो समय नुवाकोटमा विद्यालयका शिक्षकहरुमा कोरोना संक्रमण पुष्टि भएपनि स्थानिय तहहरुले विद्यालय बन्द नगर्दा विद्यार्थीहरुमा कोरोना संक्रमण फैलने भन्दै अभिभावकहरुले चिन्ता गरेका छन् ।