नुवाकोटमा साढे ९ हजार भन्दा बढीको पिसिआर परिक्षण

नुवाकोट । नुवाकोटमा साढे ९ हजारभन्दा बढीको पिसिआर परिक्षण गरिएको छ ।

झन्डै एक वर्षको अवधीमा जिल्लाका ९ हजार ५ सय ४५ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।

पिसिआर परिक्षण गरिएका मध्ये जिल्लामा एक हजार एक सय ४५ जनामा कोरोना संक्रमण पुष्टि भएको कार्यालयका सुचना अधिकारी उत्तम खनालले जानकारी दिए । संकमितमध्ये एक हजार एकसय ४४ जना निको भएर घर फर्किएका छन् भने एक जना कोरोना संक्रमितको मृत्यु भएको छ ।

नुवाकोटमा सबैभन्दा बढी विदुर नगरपालिकाका ६ सय ९० जनाका कोरोना संक्रमण पुष्टि भएको स्वास्थ्य कार्यालय नुवाकोटले जनाएको छ ।