सिन्धुलीमा गाडी दुर्घटना हुँदा ४ जनाको मृत्यु, ७ घाइते

नुवाकोट । सिन्धुलीको कमलामाई नगरपालिका ७ करमडाँडामा गाडी दुर्घटना हुँदा ४ जनाको मृत्यु भएको छ।

११ जना यात्रु सवार गाडी माढी बजारबाट बाँसकटेरीतर्फ गइरहँदा दुर्घटना हुँदा अन्य सात जना घाइतेसमेत भएका छन्। दुर्घटनामा परि घाइते भएका ७ जनालाई उपचारका लागि सिन्धुली अस्पतालमा ल्याइएको प्रहरीले जनाएको छ।

सिन्धुली अस्पतालमा २७ वर्षीय धनबहादुर श्रेष्ठ, २० वर्षीया शान्तिमाया थिङ, २२ वर्षीया कविता श्रेष्ठ, ५० वर्षीया सुनमाया थिङ, ३० वर्षीया सुनमाया थिङ, २८ वर्षीय बिनिता श्रेष्ठ र एक दुई वर्षीय बालकको उपचार भइरहेको छ।