त्रिभुवन त्रिशुली माविको व्यवस्थापन समिति अध्यक्षमा प्रधान

नुवाकोट । विदुर नगरपालिका वडा नम्बर १ मा रहेको त्रिभुवन त्रिशुली माध्यमिक विद्यालयको विद्यालय ब्यवस्थापन समितिको अध्यक्ष नविन्द्रमान प्रधान पुन : नियुत्ति भएको छ ।

सोमवार विदुर नगरपालिका वडा नम्बर १ का वडाध्यक्ष लेनिन रञ्जितले प्रधानलाई विद्यालय व्यवस्थापन समितिको अध्यक्षको कार्यभार सुम्पिएका हुन् ।

यसअघि विदुर नगरपालिका नगर शिक्षा समितिको २०७७÷११÷२३ गतेको निर्णय अनुसार नगर शिक्षा नियमावली २०७४ को नियम २६ को उपनियम १ को ख बमोजिम उनलाई विद्यालय व्यवस्थापन समितिको अध्यक्षमा मनोनयन गरिएको हो ।