नुवाकोटको ककनीवाट गाजासहित समातिए युवक

नुवाकोट । प्रतिवन्धित गाजासहित पुर्वी भेगमा रहेको नुवाकोटको ककनीवाट प्रहरीले एक युवकलाई नियन्त्रणमा लिएको छ ।

विदुरदेखि ४० किलोमिटर दुरीमा रहेको नुवाकोटको ककनी गाउँपालिका–१ खाउटोलबाट २ किलोग्राम गाँजासहित काठमाडौं तार्केश्वर नगरपालिका–३ का ४० वर्षीय शशिकपुर दमाईलाई प्रहरीले पक्राउ गरेको हो ।

प्रहरी चौकी ओखरपौवाबाट खटिएको प्रहरीले उनको साथबाट उक्त गाँजा फेला पारी पक्राउ गरेको हो ।

उनलाई नियन्त्रणमा लिई आवश्यक कारवाही अगाडि बढाइएको नुवाकोट प्रहरीले जनाएको छ