नुवाकोटमा प्रचण्ड–माधव समुहको प्रेस संगठनको जिल्ला भेला सकियो

नुवाकोट । केन्द्रदेखिनै दुई खेमामा विभत्त भएको प्रेस संगठन नेपालको नुवाकोट पनि स्पष्ट रुपमा दुई खेमा देखिएको छ ।

आज विदुरमा प्रचण्ड–माधव नेपाल समुहले जिल्ला भेला राखेसँगै नुवाकोटमा पनि प्रेस संगठन नेपाल स्पष्ट रुपमा दुई खेमामा देखिएको हो । आज नेकपाको पार्टी कार्यालय विदुरमा नेकपा प्रचण्ड–नेपाल समुह निकटका पत्रकारहरुको भेला आयोजना भएसैगै नुवाकोटमा पनि ओली र प्रचण्ड–माधव नेपाल समुहको कित्ताकाट भएको छ ।

भेलालाई सम्बोधन गर्दे नेकपा प्रचण्ड–नेपाल समुह नुवाकोटका अध्यक्ष हिरानाथ खतिवडाले प्रधानमन्त्रि केपी शर्मा ओलिले असंवैधानिक कदममार्फत संसद विघटन गरेको भन्दै सबै मिलेर त्यसको शसक्त प्रतिकार गर्नुपर्ने बताए । उनले प्रधानमन्त्रि केपी शर्मा ओलिले संविधानविरुद्ध गएर काम गरिरहेको भन्दै त्यसको पत्रकारहरुले संचारमाध्यममार्फत वहस र पैरवी गर्नुपर्ने बताए ।

कार्यक्रममा प्रेस संगठन नुवाकोटका संयोजक भोला पौडेल,सहसंयोजक रामहरि गजुरेल लगायतले प्रधानमन्त्रिको कदमविरुद्ध केन्द्रदेखिकै संचारमाध्यमहरुले वहस पैरवी गरिरहेकोले जिल्लाका क्रियाशील पत्रकारहरुले पनि त्यसलाई अनुशरण गर्नुपर्ने बताए ।