नुवाकोटमा ओली समुह संगठन विस्तारमा आक्रामक बन्दै, ककनिमा युवासंघको भेला सकियो

विदुर खबर २०७७ माघ १६ गते २०:२८

नुवाकोट । नुवाकोटमा नेकपा ओली समुह आक्रामक रुपमा संगठन विस्तारमा लागि परेको छ । बिहिबार मात्र जिल्लास्तरीय भेला आयोजना गरि आफ्नो समुहको अध्यक्ष चयन गरेको ओलि समुहले आजै मात्रै ककनी गाउँपालिकामा आफु सर्मथित युवा संघको भेला सम्पन्न गरेको छ ।

Advertisement

ककनी गाउँपालिका युवा संघद्धारा आयोजना गरेको भेलाले सबै वडामा संयोजक र सहसंयोजक तोकेको युवा संघ ककनी गाउँपालिकाका संयोजक विनोद लामाले जानकारी दिए ।

भेलालाई सम्बोधन गर्दै नेकपाका अध्यक्ष बद्री मैनालीले प्रधानमन्त्रि केपी शर्मा ओलिले संसद विघटन गरेर जनमत लिन खोज्नु कुनैपनि हिसावले गैरसंवैधानिक नभएको दाबी गरे । उनले प्रधानमन्त्रिको कदमको बचाउ गर्दै घोषित समयमै चुनाव हुने र त्यसको तयारीमा जुट्न युवाहरुलाई आग्रह गरे ।

Advertisement

यस्तै कार्यक्रममा बोल्दै युवा संघ ककनी गाउँपालिकाका संयोजक विनोद लामाले घोषित समयमा चुनाव गराउन गाउँगाउँमा पुगेर युवाहरुलाई जागरुक बनाउन युवाहरुलाई आग्रह गरे ।

प्रतिक्रिया