नुवाकोटमा कोरोना संक्रमितको संख्या ११ सय २७ पुग्यो

नुवाकोट । नुवाकोटमा कोरोना संक्रमितको संख्या ११ सय २७ पुगेको छ ।

पछिल्लो २४ घण्टामा जिल्लामा एक जना कोरोना संक्रमित थपिएसँगै जिल्लामा कोरोना संक्रमितको संख्या ११ सय २७ पुगेको हो । स्वास्थ्य कार्यालय नुवाकोटका अनुसार पछिल्लो २४ घण्टामा २० जनाको पिसिआर संकलन गर्दा १९ जनाको रिर्पाेट नेगेटिभ देखिएको हो । कार्यालयका सुचना अधिकारी उत्तमराज खनालका अनुसार हालसम्म नुवाकोटमा सक्रिय कोरोना संक्रमितको संख्या ९२ पुगेको छ । उनीहरु सबै होम आइसोलेसनमा उपचाररत रहेको खनालले जानकारी दिए ।

यस्तै नुवाकोटमा कोरोनामुत्त भएर घर फर्कनेको संख्या एकहजार ३२ पुगेको छ । यस्तै पछिल्लो २४ घण्टामा जिल्लाका ७ जना कोरोना संक्रमित कोरोनामुत्त भएर घर फर्किएका छन् ।

हालसम्म नुवाकोटमा कोरोनाको कारण एक महिलाको ज्यान गएको स्वास्थ्य कार्यालय नुवाकोटले जानकारी दिएको छ । नुवाकोटमा अहिलेसम्म ८ हजार ९ सय ४४ जनाको पिसिआर संकलन गरिएको स्वास्थ्य कार्यालय नुवाकोटले जनाएको छ ।