नुवाकोटमा आजदेखि कोरोना विरुद्धको खोप लगाइने

विदुर खबर २०७७ माघ १४ गते ९:१३

नुवाकोट । नुवाकोटमा आजदेखि कोरोना भाइरसविरुद्धको खोप लगाउने कार्य सुरु हुने भएको छ ।

स्वास्थ्य कार्यालय नुवाकोटका प्रमुख सागर घिमिरेले जिल्लामा पहिलो चरणमा २ हजार ४ सय २जनालाई खोप लगाइने जानकारी दिए । उनले जिल्लामा पहिलो चरणमा करिब साढे २ हजार जना मानिसलाई यो खोप लगाइने बताए । सरकारको निर्णयनुसार पहिलो चरणमा स्वास्थ्यकर्मी, एम्बुलेन्स चालक, महिला स्वास्थ्य स्वयमसेविका, सरसफाई मजदुर र कोरोना संक्रमणबाट मृत्यु भएकाको शव बोक्नेलाई खोप दिइने छ ।

जिल्ला अस्पताल त्रिशुली र खरानीटार अस्पतालमा कोरोना विरुद्धको खोप लगाउने कार्य सुरु हुने घिमिरेले बताए । त्रिशुली अस्पतालबाट विदुर,लिखु,शिवपुरी र बेलकोटगढी नगरपालिकाका फ्रन्टलाइन (अग्रभाग)मा बसेर काम गर्नेहरुले यो खोप लिनेछन् । यस्तै खरानीटार अस्पतालबाट पन्चमकन्या र दुप्चेश्वर गाउँपालिकाका पहिला्े समुहलाइे खोप लगाइने भएको छ ।