नुवाकोटमा थपिए २० जना कोरोना संक्रमित

नुवाकोट । नुवाकोटका थप २० जनामा कोरोना संक्रमित थपिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा ६१ जनाको पिसिआर परिक्षण गरिएकोमा २० जनामा कोरोना संक्रमण पुष्टि भएको हो । संक्रमतिमहरु विदुर नगरपालिकाका ९ जना, बेलकोटगढी नगरपालिकाका र पन्चकन्या र लिखु गाउँपालिकाका एकएक जना रहेको कार्यालयका सुचना अधिकारी उत्तमराज खनालले जानकारी दिए ।

यससँगै नुवाकोटमा कोरोना संक्रमितको संख्या एक हजार एक सय १३ पुगेको छ । यससँगै जिल्लामा सक्रिय कोरोना संक्रमितको संख्या ८८ पुगेको छ । उनीहरु सबै होम आइसोलसनमा उपचाररत रहेको कार्यालयका सुचना अधिकारी खनालले बताए ।
यस्तै नुवाकोटमा कोरोनामुत्त भएर घर फर्कनेको संख्या एकहजार २४ पुगेको छ । नुवाकोटमा हालसम्म ८ हजार ८ सय ९७ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।

कोरोनको कारण नुवाकोटमा हालसम्म एक जनाको ज्यान गएको छ ।