नुवाकोटका एकहजारभन्दा बढी कोरोना संक्रमित निको भएर घर फर्किए

नुवाकोट । नुवाकोटका एकहजारभन्दा बढी कोरोना संक्रमित निको भएर घर फर्किएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लाका ७ जना कोरोना संक्रमित निको भएर घर फर्किएसँगै जिल्लामा कोरोनामुत्त भएर घर फर्कनेको संख्या एकहजार ९ पुगेको छ । यससँगे नुवाकोटमा सक्रिय कोरोना संक्रमितको संख्या ३० पुगेको छ ।

कार्यालयका सुचना अधिकारी उत्तम खनालका अनुसार पछिल्लो २४ घण्टामा जिल्लाका २१ जनाको पिसिआर परिक्षण गर्दा एक जनामा कोरोना संक्रमित भेटिएका छन् । यस्तै २० जनाको रिर्पाेट नेगेटिभ आएको कार्यालयको भनाई रहेको छ । यससँगै नुवाकोटमा कोरोना संक्रमितको संख्या एक हजार ४० पुगेको छ ।

हालसम्म नुवाकोटमा ८ हजार ७ सय ४ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।