ईनारपाटी कृषि सहकारीको सातौ वार्षिक साधारणसभा सम्पन्न

बट्टार । विदुर नगरपालिका वडा नम्बर ६ मा रहेको श्री ईनारपाटी कृषि सहकारी संस्था लिमिटेडको सातौ वार्षिक साधारणसभा सम्पन्न भएको छ ।

कोरोना भाइरसको महामारीको कारण सहकारीले सामाजिक दुरी कायम साधारणसभा सम्पन्न गरेको हो । कार्यक्रममा प्रतिवेदन प्रस्तुत गर्दे सहकारीका अध्यक्ष भरत सडौलाले कोरोना भाइरसको कारण सहकारीले लक्ष्य अनुसारको कारोवार गर्न नसकेको बताए । उनले आगामी वर्ष सहकारीले लक्ष्य अनुसारको कारोवार गर्ने विश्वास व्यक्त गरे ।

यस्तै सहकारीका कोषाध्यक्ष टंक केसीले आर्थिक वर्ष २०७६÷७७ को आर्थिक प्रतिवेदन तथा आर्थिक वर्ष २०७७÷७८ को अनुमानित बजेट विवरण प्रस्तुत गर्दे आर्थिक वर्ष २०७६÷७७ सम्म सहकारीले २१ लाख ९४ हजार ९ सय ३३ रुपैयाँ कर्जा लगानी गरेको बताए । यस्तै सहकारीले आर्थिक वर्ष २०७६÷७७ सम्ममा १३ लाख ३ हजार २ सय ७६ रुपैयाँ नाफा कमाएको सहकारीका कोषाध्यक्ष केशीले जानकारी दिए । सहकारीले आर्थिक वर्ष २०७६÷७७ सम्ममा ३ लाख ७९ हजार ८ सय ४० रुपैया नोक्सान बेहोरेको कोषाध्य केसीले बताए ।

विदुर नगरपालिका वडा नम्बर ६ को एकमात्र सहकारीको रुपमा रहेको श्री ईनारपाटी सहकारीको अहिले ८६ जना महिला तथा एकसय जना पुरुष गरि एकसय ८६ जना शेयरसदस्य रहेका छन् । सहकारीको चुत्ता पूजी हाल २१ लाख ४३ हजार ६ सय रहेको सहकारीले जनाएको छ ।