नुवाकोटको तारकेश्वर ४ दर्शनटारमा अवैध रुपमा खोला दोहन तिव्र

विदुर खबर २०७७ पुष १७ गते ९:१४

                                                                                                      फाईल फोटो ।

नुवाकोट । नुवाकोटको तारकेश्वर गाउँपालिका वडा नम्बर ४ दर्शनटारमा अवैध रुपमा खोला दोहन शुरु भएको छ ।

Advertisement

दर्शनटारमा अवैध रुपमा खोला दोहन भएपनि प्रहरी र प्रशासनले ध्यान नदिँदा खोला दोहन तिव्र बनेको भन्र्दै स्थानियले असन्तुष्टि व्यत्त गरेका छन् । तारकेश्वर गाउँपालिकाले कोरोना महामारी अघिने टेन्डर आह्वान गरेर नै उत्खनन गर्न अनुमति दिएको थियो । तर सो स्थानमा मापदण्ड विपरित गएर डोजर,स्काभेटरले नदिको सम्पति उत्खनन तिव्र पारेको छ ।

सरकारले देशभरका अवैध क्रसर बन्द गराएपनि नुवाकोटको तारकेश्वर गाउँपालिकामा भने अवैध रुपमा क्रसर चलिरहेको छ । क्रसरकै कारण आफ्नो वस्ती बाढी र पहिरोको जोखिममा परेको स्थानियबासीले गुनासो गरेका छन् । स्थानिय दिपक घिमिरेका अनुसार दुईवर्षअघिदेखि दर्शनटारमा गाउँपालिकाका अध्यक्ष रमेश वस्तीको संलग्नतामा खोला दोहन गरेको बताएका छन । उनले क्रसरका कारण आफुहरुको वस्ती जोखिममा परेको विषयमा गाउँपालिका अध्यक्ष र क्रसरका ठेकेदारलाई जानकारी गराउँदा समेत वेवास्ता गरेको बताए ।

Advertisement

यस्तै नुवकोटका प्रमुख जिल्ला अधिकारी झंकनाथ ढकालले नुवाकोटमा असोजदेखि नै क्रसर उद्योग बन्द रहेको बताए । उनले क्रसर संचालनको सुचना आफुकहाँ नआएको तर आउने वित्तिकै बन्द गर्ने बताए । उनले अवैध रुपमा संचालन भएका क्रसरलाई बन्द गर्न आफुहरु प्रतिवद्ध रहेको छ । उनले सो स्थानमा उत्खनन भइरहेको भए तत्काल बन्द गर्ने बताए ।

यस्तै गाउँपालिकाका अध्यक्ष रमेश वस्तीले दर्शनटारमा अहिले उत्खनन नभएको बताए । उनले सो स्थानमा भएको उत्खननलाई आफुले रोक्न आग्रह गरेको बताए । उनले ठेकेदारले बेइमानी गरेको भन्ने गुनासो आफुकहाँ पनि आएको बताए ।

Advertisement

प्रतिक्रिया