नुवाकोट जेसिसको अध्यक्षमा अञ्जली पाण्डे

नुवाकोट । नुवाकोट जेसिसले नयाँ नेतृत्व पाएको छ ।

शनिवार विदुरमा भएको जेसिसको ७ औ जिल्ला सभाबाट २०२१ वर्षको लागि अध्यक्षमा अञ्जली पाण्डे सहितको टोली निर्विरोध निर्वाचित भएको हो ।

त्यस्तै कार्यकारिणी उपाध्यक्षमा अनुजमान श्रेष्ठ र पूजा भण्डारी चयन भएका छन भने उपाध्यक्षमा क्रमश अरुणराज पाठक,विनोद लामिछाने,सुमन भण्डारी र सरोज लामा निर्वाचित भएका छन् । यस्तै महासचिवमा सुरज शिलवाल र कोषाध्यक्षमा नमराज सुवेदी निर्वाचित भएको जेसिस नुवाकोटले जानकारी दिएको छ ।

यस्तै जेसिस नुवाकोटको कानुनी सल्लाहकारको जिम्मा दुर्गाराज पाठकलाई दिइएको छ । नुवाकोटमा सन २०१३ मा स्थापना भएको जेसिसले युवाहरुको क्षमता र नेतृत्व विकासको काम गर्दै आएको छ ।