नुवाकोटमा प्रचण्ड र केपी समुह पार्टी कब्जा गर्ने रणनितिमा (भिडियोसहित)

नुवाकोट ।नुवाकोटको विदुरमा रहेको नेपाल कम्युनिष्ट पार्टी (नेकपा) को कार्यालय कब्जा गर्न नेकपाको दुबै समुह लागि परेका छन् ।

केन्द्रमा देखिएको के.पी शर्मा ओली र प्रचण्ड—माधव समुहको विवाद जिल्लामा पनि छताछुल्ला भएपछि यतिवेला दुबै समुह विभिन्न जिल्लामा रहेको पार्टी कार्यालय कब्जा गरेर आफ्नो बनाउने रणनितिमा पुगेको छ । यसैक्रममा आज नुवाकोटको विदुरमा रोचक दृश्य देखिएको हो ।नेकपा राजनीतिक रुपमा विभाजन भईसकेपछि जिल्लामा पनि त्यसको प्रभाव देखिन थालेको छ । नुवाकोटको सदरमुकाम विदुरमा रहेको पार्टी कार्यालय कुन समुहको स्वामित्वमा रहने भन्ने विवाद भएको छ।

विहिवार विहान ओलीपक्षिय केन्द्रीय सदस्यको उपस्थितीमा चियापान कार्यक्रम आयोजना हुने क्रममा ओली पक्षीय र प्रचण्ड माधव पक्षिय कार्यकर्ता विच पार्टी कार्यालयको चावी खोसाखोस भएको हो । जिल्ला नेतृत्व प्रचण्ड माधव पक्षको रहेकोले पार्टी कार्यालयको साँचो सोही पक्षसँग थियो । ओली पक्षीय केन्द्रिय सदस्यद्धय केशब पाण्डे र विन्दा ढुङ्गानाको उपस्थितीमा सो पक्षले गर्न लागेको चियापानका लागि चावि नदिएको भन्दै सो पक्षले ताला फोडेर चियापान तथा कार्यकर्ता भेला गरेको हो ।

आकस्मिक रुपमा तय भएको भनिएपनि ओली पक्षले चियापान आयोजना गरी पार्टी कार्यालय आफ्नो स्वामित्वमा रहने जनाउ दिन खोजेको भन्दै अर्को पक्षले सहज रुपमा चावी नदिएको दावि गरेको छ । कार्यालय प्रबेशसँगै ओली पक्षीय केन्द्रीय सदस्य एवं वागमती प्रदेशसभाका नेकपा प्रमुख सचेतक केशव पाण्डेले पार्टी कार्यालय आफ्नो समुहको स्वामित्वमा रहने वताए । सामान्य कार्यकर्ता भेटघाटको लागि समेत अर्को पक्षले नदिएको भन्दै उनले आपती जनाए ।

ओली पक्षीय नेता कार्यकर्ता निस्किएपछि प्रचण्ड माधव पक्षले पुन ताला फोड्ने प्रयास गरेकोमा ओली पक्षले चावी दिएपछि प्रचण्ड माधव पक्षले पनि पार्टी कार्यालयमा चियापान सम्पन्न गरेको छ । प्रचण्ड माधव पक्षले पार्टी कार्यालयमा हसिया हथौडा अंकित झण्डा गाढेका छन् । नुवाकोटमा जिल्ला अध्यक्ष सहित दुईवटै प्रतिनिधीसभाका सांसद माधव पक्षमा रहेका छन् ।

https://www.facebook.com/bidurkhabar/videos/399642917793050