नुवाकोट । नुवाकोटका ६ सय जना कोरोना संक्रमित कोरोनामुत्त भएर घर फर्किएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लाका ११ जना कोरोना संक्रमित कोरोनामुत्त भएर घर फर्किएसँगै जिल्लामा कोरोनामुत्त भएर घर फर्कनेको संख्या ६ सय पुगेको हो ।

कार्यालयका सुचना अधिकारी उत्तमराज खनालका अनुसार पछिल्लो २४ घण्टामा जिल्लाका ५ जनामा कोरोना संक्रमण भएको छ । खनालका अनुसार पछिल्लो २४ घण्टामा सुर्यगढी गाउँपालिकाका ३ जना र विदुर नगपालिकाका २ जनामा कोरोना पुष्टि भएको हो । यससँगै नुवाकोटमा कोरोना संक्रमितको संख्या ८ सय ३१ पुगेको छ ।

हालसम्म नुवाकोटका ७ हजार ६ सय १ जनामा कोरोना संक्रमण पुष्टि भएको छ । नुवाकोटमा हालसम्म एक महिलाले कोरोनाको कारण ज्यान गुमाएको स्वास्थ्य कार्यालय नुवाकोटले जनाएको छ ।