Logo
गृहपृष्ठ
    • समाचार
    • आर्थिक
    • अन्तरास्ट्रिय
    • खेलकुद
    • राजनीतिक
    • नुवाकोट समाचार
    • मनोरञ्जन
      • विचार
    • स्वास्थ्य/जीवनशैली

नेकपाको विवाद : कार्यकर्ता मिल्ने शीर्ष नेता भिड्ने तयारीमा

प्रकाशित मिती: ९ मंसिर २०७७, मंगलवार ०९:१०

नुवाकोट । दल नेपाल कम्युनिस्ट पार्टीभित्र देखिएको विवाद थप चर्किंदै गएको छ ।

Trishuli Web Design in Nepal Nuwakot
Acharya Engineering Consultancy & Business Training Centre Nuwakot
Pioneer Education Consultancy And Visa Service Pvt. Ltd.

नेकपाको विवाद सहमतितर्फ भन्दा पनि आरोप प्रत्यारोप सँगै झन् चुलिएको हो । सचिवालय बैठकमा कार्यकारी अध्यक्ष पुष्पकमल दाहाल ‘प्रचण्ड’ले पेस गरेको १९ पेज लामो राजनीतिक प्रतिवेदनको लिखित जवाफ प्रधानमन्त्री एवं पार्टी अध्यक्ष केपी शर्मा ओलीले तयार गरिरहनुभएको छ । सचिवालय बैठक यही मंसिर १३ गतेका लागि बोलाइएको छ । सचिवालय बैठक बस्नुअघि नै केही महत्वपूर्ण सहमति गराउन नेताहरुले दौडधूप गरे पनि अध्यक्षद्वय ओली र प्रचण्ड आ–आफ्नै अडान र रणनीति बनाउन व्यस्त छन् ।

सचिवालय बैठकमा पेस भएको राजनीतिक प्रतिवेदन अध्यक्ष ओली र कार्यकारी अध्यक्ष प्रचण्ड–वरिष्ठ नेता माधवकुमार नेपाल समूहका लागि प्रतिष्ठाको विषय बनेको छ । कार्यकर्ता पार्टी एकताको पक्षमा रहे पनि शीर्ष तहमा देखिएको जुँगाको लडाइँका कारण पार्टी एकता नै संकटमा पर्ने त होइन भन्ने चासो र चिन्ता पनि कार्यकर्तामा देखिएको छ । पाँच वर्ष सरकार सञ्चालन गर्ने गरी जनताले मत दिए पनि तीन वर्ष नपुग्दा नेकपाको आन्तरिक किचलोका कारण पुनः सत्तामोह देखिएको छ ।

सचिवालयमा अध्यक्ष प्रचण्डले पेस गरेको राजनीतिक प्रतिवेदन फिर्ता लिनुपर्ने ओली पक्षको अडान रहेको छ भने प्रचण्ड पक्षले प्रतिवेदन पास गरेर जानुपर्ने अडान लिएको छ । सचिवालय बैठकबाट प्रचण्डको प्रतिवेदन पारित भएको अवस्थामा ओलीले नैतिकताका आधारमा राजीनामा दिनुपर्ने हुन्छ । तर ओलीले प्रचण्डले पेस गरेको प्रस्तावको बुँदाबुँँदामा लिखितरुपमा नै जवाफ दिने जानकारी सचिवालय बैठकमा गराइसक्नुभएको छ । पत्र विवादले यति बेला नेकपाभित्र संकट गहिरिँदै गएको छ ।

दुई अध्यक्षलाई मिलाउन दौडधूपमा लाग्नुभएका नेता हरिबोल गजुरेल विचार सिद्धान्तको भन्दा पनि पार्टीभित्र अहिले प्रतिष्ठाको लडाइँ प्रमुख बनेको बताउनुहुन्छ । उहाँले भन्नुभयो– ‘कार्यकर्ता विभाजनको पक्षमा छैनन्, शीर्ष नेताहरुमा देखिएको विवादले कार्यकर्तामा निराशा बढाएको छ, समस्या समाधानका लागि दुवै जना अध्यक्ष नमिल्दासम्म समस्या समाधान हुन गाह्रो छ ।’

सचिवालय बैठक बोलाउन लिखितरुपमा माग गरेपछि अध्यक्ष ओलीले लिखितरुपमा प्रचण्डलाई आक्षेप लगाउने ढंगले पत्र लेख्नु नै विवादको जड हो, ओलीको जवाफमा प्रचण्डले लिखितरुपमा जवाफ दिन अस्वाभाविक पनि होइन, सचिवालय बैठकमा छलफल गरेर निकास निकाल्न सकिन्छ।’ –नेता गजुरेलले भन्नुभयो । यसअघि देखिएका ठूलाठूला विवाद संवादबाटै हल भएको उल्लेख गर्दै उहाँले दुई अध्यक्षबीच बढेको दूरीका कारण पनि समस्या समाधान थप जटिल बन्दै गएको बताउनुभयो ।

 

शेयर गर्नुहोस् >>

तपाइको प्रतिक्रिया

संबन्धित शीर्षकहरु

पार्टीको आधिकारिकता हामीसँग छ: नेपाल
तानाशाहले अन्तिम घडिमा ओली सरकारले झै नागरिकमाथि दमनमा उत्रन्छन् : नेता पौडेल
कांग्रेसको केन्द्रीय कार्यसमिति बैठक भोलि बस्दै
प्रचण्ड-माधव गुट समातेपछि आफ्नै गाउँमा एक्लिए नारायणप्रसाद खतिवडा
तारकेश्वर गाउँपालिकाका अध्यक्ष रमेश वस्ती ओली समुह प्रवेश
नेकपा ओली समुहको शिवपु्री गाउँ पालिकास्तरीय भेला सम्पन्न
ओलीलाई साधारण सदस्यबाट हटाउने प्रचण्ड-माधव समूहको निर्णय
संसद पुनर्स्थापना नै कांग्रेसको लाइन हो : पौडेल
kerung

ताजा अपडेट

इन्फ्रास्ट्रक्चर बैंकको आइपीओ बाँडफाँट शुक्रबार १० बजे

नुवाकोट । नेपाल इन्फ्रास्ट्रक्चर बैंकको आइपीओ बाँडफाँट शुक्रबार हुने भएको छ । बिक्री प्रबन्धक एनआइबीएल...

नुवाकोटमा कोरोना भाइरसविरुद्धको खोप अभियान शुरु

नुवाकोट । नुवाकोटमा कोरोनाविरुद्धको खोप अभियान सुरु भएको छ । जिल्ल अस्पताल त्रिशुलीमा भएको...

  • नुवाकोटमा कोरोना संक्रमितको संख्या ११ सय २७ पुग्यो
  • नुवाकोटको बुद्धभूमी हाइड्रोपावर आईपिओ निष्काशन माग गर्दै धितोपत्र बोर्डमा
  • पीएम कप क्रिकेट : फाइनल पुग्न एपीएफ र पुलिस भिड्दै,एपीएफ ब्याटिङमा
  • कक्षा १२ को नतिजा प्रकाशनमा ढिलाइ,नतिजा आउन अझै दुई साता लाग्ने
  • इन्फ्रास्ट्रक्चर बैंकको आइपीओ बाँडफाँट शुक्रबार १० बजे
  • नुवाकोटमा कोरोना भाइरसविरुद्धको खोप अभियान शुरु
  • नुवाकोटमा कोरोना संक्रमितको संख्या ११ सय २७ पुग्यो
  • नुवाकोटको बुद्धभूमी हाइड्रोपावर आईपिओ निष्काशन माग गर्दै धितोपत्र बोर्डमा
  • पीएम कप क्रिकेट : फाइनल पुग्न एपीएफ र पुलिस भिड्दै,एपीएफ ब्याटिङमा
प्रकाशक\सम्पादक : शालिकराम चालिसे     संवाददाता : नवराज चालिसे, संगिता लामिछाने     गेर्खु मिडिया प्रा.लि विदुर ११ नुवाकोट    
© Bidurkhabar.com 2018 | All rights reserved
Website By : ssec
फोन: ९८४९८२०९१६ ईमेल : [email protected]