विद्युत सर्ट हुँदा शिबपुरीको बुढाथोकी गाँउमा आगलागी, १० लाख बरावरको क्षति

नुवाकोट । नुवाकोटको शिवपुरी गाउँपालिका वडा नम्बर ४ बुढाथोकी गाउँका लोकबहादुर बुढाथोकीको घरमा शनिवार आगजनी हुँदा १० लाख रुपैयाँ बरावरको क्षति भएको छ ।

बुढाथोकीको घरमा बिजुली सर्ट भई आगो लाग्दा १० लाख रुपैयाँ बरावरको क्षति भएको प्रहरीले जनाएको छ । ढुंगा माटोले बनेको जस्ताले छाएको घरको माथिल्लो तला पुर्ण रुपमा जलेर नष्ट भएको प्रहरीले जनाएको छ ।  आगलागीमा परि सुनको नौगेडी, बेरु औठी, फ्रिज, काठको दराज, टिभि, चारओटा बक्स पलङ लगायत जलेर नष्ट भएको बताइएको छ । यस्तै १० क्विन्टल धान, तीन क्पिन्टल कोदो, चा क्विन्टल गोहुँ लगायत समेत जलेर नष्ट भएको प्रहरीले जनाएको छ ।

आगलागी भएको खबर आउने बित्तिकै ईलाका प्रहरी कार्यालय सिक्रेपुरीबाट गएको प्रहरी टोली स्थानियका सहयोगमा करिव एकघण्टापछि आगो नियन्त्रणमा लिएको थियो । आगलागीमा परि कुनैपनि मानविय क्षति नभएको प्रहरीले जनाएको छ ।