नुवाकोटमा कोरोना सक्रमितको संख्या ६ सय ४७ पुग्यो

नुवाकोट । नुवाकोटमा कोरोना संक्रमितको संख्या ६ सय ४७ पुगेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लाका ५ महिला र ४ पुरुषसहित ९ जनामा कोरोना सक्रमण पुष्टि भएको छ । कार्यालयका सुचना अधिकारी उत्तमराज खनालका अनुसार पछिल्लो २४ घण्टामा जिल्लाको विदुर नगरपालिकाका एक महिला र ३ पुरुष, दुप्चेश्वर गाउँपालिकाका ३ महिला र एक पुरुष तथा लिखु गाउँपालिकाका एक महिलामा कोरोना संक्रमण पुष्टि भएको छ ।

यससँगै जिल्लामा कोरोना संक्रमितको संख्या ६ सय ४७ पुगेको उनले बताए । खनालका अनुसार आज भेटिएका सबै कोरोना संक्रमितहरु होम आइसोलेसनमा उपचाररत गरिरहेका छन् ।

यस्तै हालसम्म नुवाकोटका २ सय ९९ जना कोरोना संक्रमित कोरोनामुत्त भएर घर फर्किएका छन् । पछिल्लो २४ घण्टामा जिल्लाका ३ महिला र २ पुरुष गरि ५ जना कोरोनामुक्त भएर घर फर्किएका छन् ।

यस्तै नुवाकोटमा सक्रिय कोरोना संक्रमितको संख्या ३ सय ४६ पुगेको छ । स्वास्थ्य कार्यालयका अनुसार नुवाकोटमा हालसम्म ६ हजार ८ सय ९४ जनाको पिसिआर परिक्षण गरिएको छ । जसमध्ये एकसय ९९ जनाको रिर्पाट आउन बाकी रहेको कार्यालयका सुचना अधिकारी खनालले जानकारी दिए ।