बहुविवाह गरेका बेलकोटगढीका अम्बरवहादुर पुर्पक्षको लागी कारागार चलान

नुवाकोट । नुवाकोटको बेलकोटगढी नगरपालिकाका एकज युवक वहुविवाहको अभियोगमा कारागार चलान भएका छन् ।

जिल्ला प्रहरी कार्यालय नुवाकोटका अनुसार वहुविवाह मुद्धामा कारागार जानेमा बेलकोटगढी नगरपालिका वडा नम्बर ९ मादेखर्क ३० वर्षिय अम्बरबहादुर तामाङ रहेका छन् ।

उनले घरमा जेठि श्रीमती हुँदाहुँदै माईली तामाङलाई कान्छी श्रीमतीको रुपमा बिबाह गरी घरमा भित्राएको भन्दै उनकी जेठी श्रीमती सिता तामाङले बहुबिबाह मुद्दा प्रहरीमा दर्ता गराएकी थिइन् ।

उनलाई जिल्ला अदालत नुवाकोटमा पेश गरि अदालतको आदेश अनुसार पुर्पक्षको लागी कारागार चलान गरिएको जिल्ला प्रहरी कार्यालय नुवाकोटले जनाएको छ ।