बट्टारका एक पुरुषमा कोरोना संक्रमण पुष्टि

नुवाकोट । नुवाकोटको विदुर नगरपालिका वडा नम्बर ४ बट्टार बजारमा पुस्तक व्यवसाय संचालक गर्दै आएका एक व्यक्तिलाई कोरोना संक्रमण पुष्टि भएको छ ।

स्टेसनरी व्यवसायी रहेका दिनेश शाक्यलाई कोरोना संक्रमण पुष्टि भएको उनले सामाजिक संजाल फेसबुकमा उल्लेख गरेका छन् । यहि असोज २४ आईतबार गरिएको पिसिआर परिक्षण गर्दा उनमा कोरोना पोजेटिभ देखिएको हो ।

हाल उनी काठमाण्डौको विर अस्पतालमा रहेको आइसोलेसन वार्डमा उपचार गरिरहेको बताइएको छ । शाक्यले आफुसँग सम्पर्कमा रहेकाहरुलाई पनि परिक्षण गर्न सामाजिक संजाल फेसबुकमार्फत सबैलाई आग्रह गरेका छन् ।