हङकङका महावाणिज्य दुत उदय रानालाई नुवाकोट चेम्बरको विदाई

विदुर खबर २०७७ असोज २६ गते १५:१४

नुवाकोट । नुवाकोट चेम्बर अफ कर्मसले हङकङ तथा मकाउको लागि महावाणिज्य दुतमा नियुत्त भएका नवनियुत्त महावाणिज्य दुत उदय रानालाई विदाई गरेको छ । चेम्बरले महावाणिज्य दुत रानामगरलाई खादा तथा सम्मानपत्र समेत प्रदान गरेको छ ।

Advertisement

सोमवार विदुरमा एक कार्यक्रममको आयोजना गर्दै नुवाकोट चेम्बर अफ कर्मसले हङकङ तथा मकाउको लागि नियुत्त भएका महावाणिज्य दुत रानामगरलाई विदाई गरेको हो । कार्यक्रममा बोल्दै महावाणिज्य दुत रानामगरले आयातमुखि नभई निर्यातमुखि व्यापारमा जोड दिनुपर्ने बताए । उनले देशको व्यापार घाटा बढेको भन्दै आयातलाई दुरुत्साहन गरि निर्यात बढाउनुपर्नेमा जोड दिए । महावाणिज्य दुत रानाले सरकारमा मात्र समस्या नभएको भन्दै व्यवसायीहरुको आफ्नै कमजोरिका कारण देशमा लगानि भित्रन नसकेको उल्लेख गरे । उनले नेपालमा पर्यटनको निकै ठुलो संभावना रहेको भन्दै पर्यटन क्षेत्रबाट बढि लाभ लिन सकिने बताए । उनले आफ्नो जन्मथलो नुवाकोट भएकोले जिल्लालाई विषेष प्राथमिकता दिएर काम गर्ने बताए ।

कार्यक्रममा बोल्दै नुवाकोट चेम्बर अफ कर्मसका अध्यक्ष कविन्द्रमान प्रधानले नुवाकोटमा व्यापार व्यवसायको धेरै संभावना रहेको भन्दै त्यसका लागि सरकार र सम्बन्धित निकायले चासो दिनुपर्ने बताए । उनले चिनबाट आएका सामाग्री नुवाकोटको बाटो हुँदै काठमाण्डौ गएपनि त्यसबाट नुवाकोटले फाईदा लिन नसकेको बताए ।

Advertisement

नुवाकोटको बेलकोटगढी नगरपालिका वडा नम्बर १२ स्थाई घर भएका रानाले यसअघि नुवाकोटको विभिन्न कार्यालयमा काम गरि विभिन्न जिल्लामा प्रमुख जिल्ला अधिकारीको रुपमा समेत काम गरेका थिए । उनी आगामी तिहारपछि कार्यक्षेत्रमा जाने बताइएको छ ।
कार्यक्रममा नुवाकोट चेम्बर अफ कर्मसका पदाधिकारीहरुको सहभागिता रहेको थियो ।

प्रतिक्रिया