नुवाकोटमा कोरोना संक्रमित हुनेमा महिलाभन्दा पुरुष बढि

नुवाकोट । नुवाकोटमा कोरोना संक्रमित हुनेमा महिलाभन्दा पुरुष बढी रहेका छन् ।

स्वास्थ्य कार्यालय नुवाकोटका अनुसार नुवाकोटमा रहेका कुल एकसय ५७ संक्रमितमध्ये एकसय १७ जना पुरुष र ४० जना महिला रहेको स्वास्थ्य कार्यालय नुवाकोटले जनाएको छ । जिल्लाका ४ हजार ९ सय ५५ जनाको स्वाव संकलन हुँदा ३ हजार ८ सय एक जना पुरुष र एक हजार एकसय ५४ जना महिलाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।

त्यस्तै नुवाकोटमा रहेका एकसय ५७ जना कोरोना संक्रमितमध्ये एकसय १९ जना निको भएर घर फर्किएको स्वास्थ्य कार्यालय नुवाकोटले जनाएको छ । यस्तै पछिल्लो २४ घण्टामा जिल्लामा एक जना कोरोना संक्रमित थपिएको कार्यालयका सुचना अधिकारी उत्तमराज खनालले जानकारी दिए । उनका अनु्सार पछिल्लो २४ घण्टामा बेलकोटगढी नगरपालिकाका २८ वर्षिय पुरुषमा कोरोना संक्रमण देखिएको हो ।

हाल नुवाकोटको विभिन्न अस्पतालको आइसोलेसन वार्डमा २५ जना कोरोना संक्रमित विरामी उपचाररत रहेको स्वास्थ्य कार्यालय नुवाकोटले जनाएको छ ।