नुवाकोटका थप एक जनामा कोरोना संक्रमण

नुवाकोट । नुवाकोटका थप एक जनामा कोरोना संक्रमण पुष्टि भएको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा एक जना कोरोना संक्रमित भेटिएका हुन् । संक्रमित हुनेमा १७ वर्षिय पुरुष रहेको स्वास्थ्य कार्यालय नुवाकोटका सुचना अधिकारी उत्तमराज खनालले जानकारी दिए ।

यससँगै नुवाकोटमा कोरोना संक्रमितको संख्या एकसय ३२ पुगको छ । जसमा एकसय १३ पुरुष र ४३ महिला रहेका छन् । त्यस्तै जिल्लामा कोरोना निको भएर घर जानेहरुको संख्या एकसय १६ पुगेको छ जसमा ९० पुरुष र २६ महिला रहेका छन् ।

हालसम्म नुवाकोटका ४ हजार ७ सय ६३ जनाको पिसिआर परिक्षण भइसकेको स्वास्थ्य कार्यालय नुवाकोटले जनाएको छ ।