विदुर, आज साउन १ गते, अर्थात साउने संक्राति । आज नेपालीहरुले विविध काम गरेर साउने संक्रान्ति मनाउदै छन् ।आजबाट वर्षातको अन्त्य भएर हिउँद लाग्ने भएकाले त्यसको खुसीयालीमा परिवारका सदस्य तथा आफन्तहरु एकैठाउँमा जम्मा भएर मिठो मसिनो खाने चलन छ । साउन महिनाको सुरुवातमा मासुभन्दा पहिले दुधको परिकार खानुपर्छ भनेर नेपालीहरुले आज खीर खाने गर्दछन् ।

साउन महिना शिवपुजन महिना भएकाले आजदेखि एक महिनासम्म माछा–मासु नखाएर केहि शिवभक्तहरुले भिगवान शिवको पुजा गर्ने गर्दछन् । साथै आज घरघरमा लुतो फालेर साउने संक्रान्ति पर्व मनाइदै छ । आज लुतो फाल्नाले वर्षभरि शरीरमा दाद, खटिरा र लुत्तोजस्ता रोगले आक्रमण नगर्ने जनविश्वास रहिआएको छ । गाउँघरमा लुत्तो फाल्ने कुरालाई चासोका साथ लिइएपनि राजधानी लगायत सहरी क्षेत्रमा भने यो संस्कृति लोप हुँदै गएको छ । महिलाहरुले आजदेखि महिनाभरि हातमा मेहन्दी, हरियो कपडा र हरियै चुरा लगाउने गर्दछन् ।