नुवाकोटको ओखरपौवामा एक विरामीको मत्यु

नुवाकोट । सडकको दुर अवस्थाका कारण नुवाकोटको ककनी गाउँपालिका वडा नम्बर ६ ओखरपौवामा एक जना विरामीको ज्यान गएको छ ।

मृत्यु हुनेमा वडा नम्बर ६ का दिपेश लामा रहेको ककनी गाउँपालिका वडा नम्बर ६ का वडासदस्य लक्ष्मण तामाडले जानकारी दिए । बिहिबार राती विरामी परेका दिपेशको उपचारको लागि काठमाण्डौ लैजाँदै गर्दा सडकको विभिन्न स्थानमा पहिरो गएपछि उनलाई लगेको एम्बुलेन्स समेत बाटोमै फसेको वडासदस्य तामाडले बताए ।

प्रचण्डका घरभेटी सारदा प्रसाद अधिकारी निर्माण शुरु गरेर अलपत्र बनाएकाृ वालाजु ककनी सडकखण्ड विगत ३ वर्षदेखि अलपत्र अवस्थामा छ । त्यसमाथि लगातार परेको वर्षाको कारण लगातार सडक अवरुद्ध हुँदा ककनी गाउँपालिकाका नागरिकहरु प्रभावित हुँदै आएपनि सरोकारवाला निकायहरु मौन देखिएका छन् ।