नुवाकोटका थप ७ जनामा कोरोना पुष्टि

नुवाकोट । नुवाकोटका थप ७ जनामा कोरोना संक्रमण पुष्टि भएको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा विदुर नगरपालिकाका ५ जना र पन्चकन्या गाउँपालिकाका २ जनामा कोरोनाको पुष्टि भएको हो । कार्यालयका सुचना अधिकारी उत्तमराज खनालका अनुसार विदुर नगरपालिकाका ५ जना पुरुष र पन्चकन्या गाउँपालिकाका एक पुरुष र एक महिलामा कोरोना संक्रमण पुष्टि भएको हो ।

यससँगै नुवाकोटमा कोरोना संक्रमितको संख्या एकसय १४ पुगेको छ । जसमध्ये ८५ जना निको भएर घर फर्किसकेको स्वास्थ्य कार्यालय नुवाकोटले जनाएको छ ।