नुवाकोटमा जनता समाजवादी पार्टी फैलदै, कांग्रेस नेकपालाई चुनौती

नुवाकोट । नुवाकोटमा जनता समाजवादी पार्टीतर्फ आम जनताको झुकाव बढ्दा अन्य दललाई चुनौती बढेको छ । कारण जनता समाजपार्टीप्रति नुवाकोटेको चासो ।

पछिल्लो समय नुवाकोटमा जनता समाजवादी पार्टीले आफ्नो संगठन विस्तारलाई तिव्रता दिएको छ । यसैक्रममा शुक्रवार जसपा म्यागङ गाउँपालिका वडा नं २ मा कार्यसमिति चयन गरिएको छ ।

कमानसिङ तामाङको अध्यक्षतामा २५ सदस्य कार्यसमिति चयन गरिएको कमिटी गठन गरिएको पार्टी केन्द्रिय परिषद सदस्य राजन बमले जानकारी दिए । बमले सबै कमिटी सदस्यहरूलाई खादा लगाई स्वागत सहित शुभकामना व्यत्त गरेका थिए ।

वडा कमिटि गठन गर्न जिल्ला उपाध्यक्ष हिरालाल तामाङ , जसपा गाउँपालिका अध्यक्ष मानसिह तामाङ ,जिल्ला सदस्य अर्जुन तामाङ र वडा न ३ अध्यक्ष आईसिङ तामाङको उपस्थिती रहेको थियो ।